Бензема жароҳат сабаб сафдан чиқди
Якуний қарор ўйиндан олдин қабул қилинади.
ФОТО: Getty images
"Ал-Ҳилол" ҳужумчиси Карим Бензема сон соҳасидаги яқинлаштирувчи мушагидан жароҳат олди. Бу ҳақда араб нашрлари хабар берди.
Манбага кўра, 38 ёшли французнинг Саудия Арабистони чемпионати доирасидаги бугунги "Ат-Таавун"га қарши ўйинда иштирок этиши сўроқ остида турибди. Якуний қарор ўйиндан олдин қабул қилинади.
Жорий чемпионатда "Ал-Ҳилол" сафида 3 та ўйинда майдонга тушган Бензема ўз ҳисобига 3 та гол ва 1 та ассист ёздириб қўйган. Бунгача у мавсум давомида "Ал-Иттиҳод" таркибида 14 та ўйинда қатнашиб, 8 та тўп киритган эди.
Розикжон Султонмуродов
Журналист