Бензема Роналдунинг устидан кулиб юборди
«Ал Ҳилол» сафига ўтган ҳужумчи Карим Бензема «Ан Наср» форварди Криштиану Роналдунинг жахлини чиқарадиган ҳазил билан чиқиш қилди. The Telegraph нашрининг хабар беришича, француз футболчиси трансфери якунлангач, «Реал»даги собиқ жамоадошига провокацион хабар йўллаган.
Маълум бўлишича, Криштиану Роналду қишки трансфер ойнасида «Ан Наср» таркиби кучайтирилмаганидан, рақиб «Ал Ҳилол» эса Бенземани ўз сафига қўшиб олганидан норози бўлиб турган эди.
«Манбага кўра, Бензема Роналдуга йўллаган хабарда нафақат маоши ошгани, балки яна чемпионликка эришиши ҳақида ёзган. Бу эса ғалаба ва чемпионликка ташна Роналдуга унчалик хуш келмагани айтилмоқда», — дейилади нашр хабарда.
Айни дамда Саудия Про-лигаси турнир жадвалида «Ал Ҳилол» 50 очко билан пешқадамлик қилмоқда. «Ан Наср» эса етакчидан бор-йўғи бир очко ортда қолган ҳолда иккинчи ўринда бормоқда.
