«Бенфика» Винисиус билан боғлиқ можарога муносабат билдирди: «Реал» футболчилари буни эшитишлари имконсиз эди»
Португалиянинг «Бенфика» клуби Чемпионлар Лигаси плей-офф босқичи доирасидаги «Реал» билан ўйинда юз берган Винисиус Жуниор ва Жанлука Престианни иштирокидаги воқеа юзасидан ижтимоий тармоқларда расмий баёнот берди.
«Бургутлар» матбуот хизмати Винисиус ирқчилик ҳақида шикоят қилиш учун ҳакам Франсуа Летексига мурожаат қилган лаҳзанинг видеосини эълон қилди.
«Кадрлардан кўриниб турибдики, оралиқ масофани ҳисобга олсак, «Реал» футболчилари ўзлари эшитганини даъво қилаётган гапларни эшитишлари имконсиз эди», — дейилади «Бенфика» хабарда.
Эслатиб ўтамиз, ўйиннинг иккинчи бўлимида бразилиялик ҳужумчи «Бенфика» аъзоси уни «маймун» деб ҳақоратлаганини айтганидан сўнг баҳс тўхтатилган эди. Ҳозирда УЕФА мазкур ҳолат юзасидан интизомий суриштирув ишларини олиб бормоқда.
