\"Бенфика\" ҳужумчисин 100 миллион евродан камига сотмайди
Фото: Getty Images
“Бенфика” ҳужумчиси Вангелис Павлидис ёзда жамоасини алмаштириши мумкин. Бу ҳақда A Bola хабар бермоқда.
Манбага кўра, 26 ёшли грециялик футболчи хизматига “Атлетико”, “Челси” ва “Ньюкасл” жамоалари қизиқиш билдирмоқда. Аммо “Бенфика” Павлидис билан осонликча хайрлашмоқчи эмас.
“Бургутлар” футболчини 100 миллион евродан камига сотишни истамайди. Жорий мавсумда у “Бенфика” сафида 29 учрашувда 15 та гол урган.
Розикжон Султонмуродов
Журналист