\"Бенфика\" Отаменди билан шартномани узайтирди
Фото: Getty Images
"Бенфика" ўзининг расмий сайти орқали ҳимоячи Николас Отаменди билан шартномани узайтирганини эълон қилди.
Аргентиналик 37 ёшли футболчи яна бир мавсумга 2026 йилнинг ўрталарига қадар ҳисобланган меҳнат шартномасини имзолади.
Отаменди "Манчестер Сити"даги беш йиллик фаолиятидан сўнг 2020 йилнинг сентябрь ойи охирида "Бенфика"га кўчиб ўтди.
Ўшандан бери Николас 231 та ўйин ўтказиб, жамоаси сафида 15 та гол урган ва 10 та голли узатмани амалга оширган.
Ҳозирда футболчи лиссабон клуби билан АҚШ майдонларида давом этаётган КЎЖЧда иштирок этмоқда.
Розикжон Султонмуродов
Журналист