«Бенфика» Бенземани ўз сафига қўишб олиши мумкин
Футболчининг Саудия клуби билан шартномаси 2026 йилнинг ёзида якунланади.
ФОТО: Getty images
“Ал-Иттиҳод” ҳужумчиси Карим Бензема фаолиятини Португалия чемпионатида давом эттириши мумкин. Бу ҳақда инсайдер Экрем Конур хабар берди.
Манбага кўра, “Бенфика”нинг янги бош мураббийи Жозе Моуриньо франциялик 37 ёшли футболчи билан биргаликда ишлашни хоҳламоқда. Клуб қишда уни ўз сафига қўшиб олмоқчи.
Бироқ Бензема маошини камайтиришга рози бўлиши керак. Шунингдек, лиссабонликлар унинг трансфери учун 5-7 миллион евро сарфлаши кутилмоқда.
Жорий мавсумда ҳужумчи барча мусобақаларни ҳисобга олганда 2 ўйинда 3 та гол урди.
Розикжон Султонмуродов
Журналист