Бьелса ЖЧ–2026дан кейин Уругвай термасини тарк этади
70 ёшли мураббий Уругвай терма жамоасини 2023 йилдан бери бошқариб келмоқда.
ФОТО: Getty images
Уругвай терма жамоаси бош мураббийи Марсело Бьелса 2026 йилги жаҳон чемпионатидан сўнг миллий жамоани тарк этишини маълум қилди.
«Бизнинг ишимиз жаҳон чемпионати билан якунланади. Менга ушбу мусобақадан баҳра олиш имконини бергани учун Уругвайга миннатдорман», — деган мутахассис. Унинг сўзларини журналист Germán García Grova ижтимоий тармоқда келтирган.
70 ёшли мураббий Уругвай терма жамоасини 2023 йилдан бери бошқариб келмоқда. ЖЧ–2026да уругвайликлар Н гуруҳидан ўрин олган бўлиб, Испания, Кабо-Верде ва Саудия Арабистони қарши баҳс олиб боради.
Маълумот учун, 2026 йилги жаҳон чемпионати АҚШ, Канада ва Мексикада 11 июндан 19 июлгача бўлиб ўтади.
Розикжон Султонмуродов
Журналист
