Беллингем: «Винисиус жамоага халақит бермаяпти»
«Реал» яримҳимоячиси бразилиялик жамоадоши ҳақида фикр билдирди.
ФОТО: Getty Images
Мадриднинг «Реал» клуби ярим ҳимоячиси Жуд Беллингем жамоадоши Винисиус Жуниор ҳақида фикр билдирди.
«Мен Винисиусни ҳар куни кўраман — у ҳанузгача жуда ижобий кайфиятда. У жамоага ҳам, биз қуряпган тизимга ҳам ҳеч қандай зарар етказмаяпти. Вини билан муносабатларим жуда яхши ва агар у жамоа сифатида бизга халақит бераётганини ҳис қилсам, албатта, унга айтган бўлардим. Аммо мен бундай деб ўйламайман… Бош мураббий масаласига келсак, барчамиз унга 100 фоиз ишонамиз», — дея Беллингемнинг сўзларини келтиради ESPN.
Аввалроқ Винисиус «Реал»ни тарк этиши мумкинлиги ҳақида хабарлар тарқаган эди. Жорий мавсумда бразилиялик футболчи 25 та ўйинда майдонга тушиб, 5 та гол урди ва 8 та голли узатма амалга оширди.
Насрулло Каримов
Журналист