Беллингем «Реал» билан шартномасини узайтиради – манба
«Реал» яримҳимоячиси Жуд Беллингeмнинг Мадрид клуби билан шартномасини узайтириш масаласи тобора яқинлашмоқда.
The Touchline нашри хабар беришича, англиялик 23 ёшли футболчиси яқин ҳафталар ичида «қироллик клуби» билан янги меҳнат шартномасига имзо чекади.
Қайд этилишича, «Реал» раҳбарияти Беллингeмни жамоанинг келажак лойиҳасидаги муҳим футболчилардан бири сифатида кўрмоқда. Шу сабабли клуб унинг шартномасини узайтириш бўйича музокараларни фаол олиб борган ва томонлар ўртасида келишувга эришиш учун ишлаган.
Аввалроқ матбуотда Жуднинг янги шартномаси 2032 йил ўртасига қадар амал қилиши мумкинлиги ҳақида хабарлар тарқалган эди. Унинг амалдаги битими 2029 йилнинг ёзига қадар мўлжалланган.
Футболчи 2023 йилда «Боруссия Д» клубидан «Реал»га кўчиб ўтган. У мадридликлар сафида ҳозирга қадар 148 та учрашувда майдонга тушиб, 49 та гол урган ва шерикларига 36 та голли узатма берган.
