Беллингҳем: “Месси билан бўлган вазиятни керагидан ортиқ бўртиб юборишди”
Англия терма жамоаси ярим ҳимоячиси Жуд Беллингҳем Аргентина билан ЖЧ-2026 ярим финалидан кейин Лионель Месси билан юз берган тортишув ҳақида яна бир бор фикр билдирди.
Беллингҳем таъкидлаганидек, ижтимоий тармоқларда тарқалган баҳс аслида оддий футбол эпизоди бўлиб, у керагидан ортиқ шов-шувга айлантирилган.
“Буни пашшадан фил ясашди. Мен учун Месси каби футболчига қарши майдонга тушишнинг ўзи катта шараф. У футбол тарихидаги энг буюк ўйинчилардан бири.”
Англиялик футболчи аввалроқ ҳам улар ўртасидаги суҳбат фақат ҳакам қарорлари ва қоида бузилиши билан боғлиқ бўлганини, ҳеч қандай ҳақорат ёки шахсий келишмовчилик юз бермаганини айтганди.
Эслатиб ўтамиз, Аргентина ярим финалда Англияни 2:1 ҳисобига мағлуб этиб, ЖЧ-2026 финалига йўл олди. Энди Лионель Скалони шогирдлари 19-июл куни Испанияга қарши бош соврин учун майдонга тушади.
