Беллингем голи «Реал» учун тарихий натижани қайд этди
Бу кўрсаткич бўйича иккинчи ўринни «Бавария» эгаллаб турибди.
ФОТО: Getty images
Англия ярим ҳимоячиси Жуд Беллингем 2026 йилги Жаҳон чемпионатининг учинчи ўрин учун баҳсида Франция дарвозасини ишғол қилиб, жамоасининг 6:4 ҳисобидаги ғалабасига нуқта қўйди.
Opta маълумотига кўра, ушбу гол «Реал» футболчилари учун Жаҳон чемпионатлари тарихидаги 100-гол бўлди. Шу тариқа, мадридликлар мазкур маррага биринчи бўлиб етиб келган клубга айланди.
Бу кўрсаткич бўйича иккинчи ўринни «Бавария» эгаллаб турибди — Мюнхен клуби футболчилари мундиалларда 87 та гол урган.
Энг яхши бешлик қуйидагича кўриниш олган:
«Реал» — 100 та гол;
«Бавария» — 87 та гол;
«Барселона» — 78 та гол;
«Интер» — 76 та гол;
«Ювентус» — 62 та гол.
Эслатиб ўтамиз, 2026 йилги Жаҳон чемпионати финалида Испания ва Аргентина миллий жамоалари ўзаро баҳс олиб боради.
Розикжон Султонмуродов
Журналист
