Беллингем Германия чемпионатига йўл олиши мумкин
Фото: Getty Images
“Сандерленд“ ярим ҳимоячиси Жоб Беллингем фаолиятини Германияда давом эттириши мумкин. Бу ҳақда Bild хабар берди.
Қайд этилишича, “Боруссия Д“ футболчига жиддий тарзда қизиқиш билдирмоқда. Дортмун клуби футболчини клублар ўртасидаги ЖЧга қадар сотиб олмоқчи. Трансфер тахминан 25-30 миллион еврога баҳоланмоқда.
Шунингдек, Жобга “Айнтрахт“ ва “РБ Лейпциг“дан қизиқиш бор. 19 ёшли футболчи жорий мавсум 42 та учрашувда майдонга тушди. Унинг ҳисобида 4 та гол ва 3 та голли узатма бор.
Розикжон Султонмуродов
Журналист
