Беллингем фаолиятини Бундеслигада давом эттириши мумкин
ФОТО: Getty Images
Франкфуртнинг “Айнтрахт” клуби “Сандерленд” марказий ярим ҳимоячиси Жоб Беллингемга қизиқиш билдирмоқда. Бу ҳақда Sky Sports нашри хабар берди.
Манбага кўра, Бундеслига клуби 2025/2026-йилги мавсумда УЕФА Чемпионлар Лигаси олдидан “Реал” ярим ҳимоячиси Жуд Беллингемнинг укаси билан шартнома имзоламоқчи.
Шунингдек, Жобга “Боруссия Дортмунд” ва “РБ Лейпциг” ҳам қизиқиш билдирмоқда.
Маълумот учун, Беллингем жорий мавсум “Сандерленд” сафида жами 42 та ўйинда майдонга тушиб, 4 та гол урди ва 3 та голли узатмани амалга оширди. Унинг Transfermarkt'даги нархи 22 миллион евроға баҳоланмоқда.
Насрулло Каримов
Журналист
