Беллингем Англия миллий жамоасида «дахлсиз» номини йўқотди
Мадриднинг «Реал» клуби яримҳимоячиси Жуд Беллингемга Англия терма жамоасида унинг ўрни энди «дахлсиз» эмаслиги маълум қилинди. Бу ҳақда The Touchline нашри хабар бермоқда.
Манбанинг маълумотига кўра, футболчига миллий жамоадаги асосий таркибдан кафолатланган жойи йўқлиги уқтирилган. Агар Жуднинг ўйини яхшиланмаса, бош мураббий Томас Тухел бўлажак Жаҳон чемпионатида «Астон Вилла» хавбеки Морган Рожерсга таяниш кутилмоқда.
Беллингем ҳозирга қадар Англия терма жамоаси сафида 46 та ўйинда майдонга тушиб, 6 та гол ва 10 та самарали узатмани амалга оширган. Жорий мавсумда «Реал» сафида у барча мусобақаларда 28 та учрашувда қатнашиб, 6 та гол ва 4 та ассистни ўз ҳисобига ёздириб қўйди.
Эслатиб ўтамиз, ЖЧ-2026 шу йилнинг ёзида АҚШ, Канада ва Мексика майдонларида бўлиб ўтади.
