Бельгия ташқи ишлар вазири: “Балогун бўйича қарор тушунарсиз”
Бельгия ташқи ишлар вазири Максим Прево FIFAнинг АҚШ терма жамоаси ҳужумчиси Фоларин Балогуннинг дисквалификациясини вақтинча тўхтатиш ҳақидаги қарорини кескин танқид қилди.
Вазирнинг таъкидлашича, агар мазкур қарор Дональд Трампнинг FIFA президенти Жанни Инфантино билан телефон орқали мулоқотидан кейин қабул қилинган бўлса, бу футбол ва спортнинг асосий тамойилларига зид ҳолат ҳисобланади.
“Бу қарор мутлақо тушунарсиз. Агар бунга телефон қўнғироғи сабаб бўлган бўлса, бу футбол ва спортнинг энг асосий қоидаларининг очиқчасига бузилиши бўлади. Бундай вазиятда FIFA қандай қилиб ҳалол ўйин тамойилларини ҳимоя қилаётганини даъво қила олади?” — деди Прево.
Эслатиб ўтамиз, FIFA Фоларин Балогуннинг автоматик бир ўйинлик дисквалификациясини бир йиллик синов муддатига қолдириб, унга Бельгияга қарши ЖЧ-2026 нимчорак финал учрашувида майдонга тушишга рухсат берган. Ушбу қарор Бельгия футбол федерацияси ва УЕФА томонидан ҳам кескин танқид қилинмоқда.
