Бекҳем Буюк Британия қироли томонидан рицарлик унвони билан тақдирланди
Мазкур юксак унвон унга спортдаги хизматлари ва хайрия фаолияти учун берилди.
ФОТО: Getty Images
Англия миллий жамоасининг собиқ сардори, «Реал» ва «МЮ» клубларининг афсонаси Девид Бекҳем Буюк Британия қироли Карл III томонидан рицарлик унвони билан тақдирланди. Маросим 4 ноябр куни эрталаб бўлиб ўтди.
Мазкур юксак унвон Бекҳемга спортдаги хизматлари ва хайрия фаолияти учун берилди. У 2005 йилдан буён UNICEF'нинг эзгу ниятлар элчиси сифатида фаолият юритиб келмоқда.
2015 йили эса у «7 Fund» номли ўзининг хайрия жамғармасини ташкил этган бўлиб, у бутун дунёдаги ночор болаларга ёрдам кўрсатишга қаратилган.
Футболчилик фаолияти давомида Бекҳем «МЮ», «Реал», «Престон», «Лос-Анжелес Гэлакси», «Милан» ва «ПСЖ» клублари шарафини ҳимоя қилган. У профессионал футболни 2013 йили якунлаган, ҳозир эса «Интер Майами» клуби президенти ҳисобланади.
Насрулло Каримов
Журналист