«Бавария» УЕФА рейтингида биринчи ўринни эгаллади
Мюнхенликлар сўнгги беш мавсумнинг ҳар бирида ЧЛда чорак финалга қадар етган.
ФОТО: Getty Images
Мюнхеннинг «Бавария» клуби 2026/2027 йилги мавсум олдидан УЕФА рейтингида биринчи ўринни эгаллади. Иккинчи ўринда Мадриднинг «Реал» клуби жой олган бўлса, кучли учликни Франциянинг «ПСЖ» жамоаси якунлаб берди.
Рейтинг клубларнинг 2021/2022 йилги мавсумдан бошлаб Европа кубокларида кўрсатган натижаларига асосланган. Охирги беш мавсумнинг ҳар бирида «Бавария» Чемпионлар Лигасининг чорак финалига қадар етган, шунингдек, икки бор ярим финалда ўйнаган. Айни шу барқарорлик унга биринчи ўринни таъминлади.
2025/2026 йилги мавсумда умумий ҳисобда энг кўп очко тўплаган Лондоннинг «Арсенал» клуби рейтингда еттинчи ўринни эгаллади. Энг катта сакрашни эса «Астон Вилла» амалга оширди — бирмингемликлар 29 поғонага юқорилаб, 17-ўринга жойлашишди.
Насрулло Каримов
Журналист