«Bavariya» UEFA reytingida birinchi o‘rinni egalladi
Myunxenning «Bavariya» klubi 2026/2027 yilgi mavsum oldidan UEFA reytingida birinchi o‘rinni egalladi. Ikkinchi o‘rindan Madridning «Real» klubi joy olgan bo‘lsa, kuchli uchlikni Fransiyaning «PSJ» jamoasi yakunlab berdi.
Reyting klublarning 2021/2022 yilgi mavsumdan boshlab Yevropa kuboklaridagi ko‘rsatgan natijalariga asoslangan. Oxirgi besh mavsumning har birida «Bavariya» Chempionlar Ligasining chorak finaliga qadar yetib borgan, shuningdek, ikki bor yarimfinalda o‘ynagan. Aynan shu barqarorlik unga birinchi o‘rinni ta’minladi.
2025/2026 yilgi mavsumda umumiy hisobda eng ko‘p ochko jamg‘argan Londonning «Arsenal» klubi reytingda yettinchi o‘rinni egalladi. Eng katta sakrashni esa «Aston Villa» amalga oshirdi — birmingemliklar 29 pog‘onaga yuqorilab, 17-o‘ringa joylashishdi.
