«Бавария» спорт директори Упамекано билан боғлиқ вазиятга ойдинлик киритди

«Бавария» спорт директори Кристоф Фроинд жамоа ҳимоячиси Деё Упамекано билан шартномани узайтириш бўйича давом этаётган музокаралар ҳақида фикр билдирди.

«Сир эмас, асосий мақсадимиз — Упамекано билан шартномани узайтириш. Унинг хизматларига кўплаб клублар қизиқаяётганига ажабланмаса ҳам бўлади, чунки у дунёнинг энг яхши марказий ҳимоячиларидан бири.

Биз унинг «Бавария»да узоқ йиллар қолишини истаймиз. У бу ерда ўзини уйидагидек ҳис қилади. Ҳозирча янгилик йўқ, музокаралар давом этмоқда», — деди Фроинд.

Маълумот учун, Упамекано жорий мавсум барча турнирларда 14 та ўйинда майдонга тушди. Унинг Transfermarkt'даги нархи 60 миллион евро деб баҳоланмоқда.

Насрулло Каримов

Журналист