«Bavariya» sport direktori Upamekano bilan bogʻliq vaziyatga oydinlik kiritdi
Mutaxassisga koʻra, tomonlar oʻrtasida muzokaralar davom etmoqda.
FOTO: Getty Images
«Bavariya» sport direktori Kristof Froind jamoa himoyachisi Deyo Upamekano bilan shartnomani uzaytirish boʻyicha davom etayotgan muzokaralar haqida fikr bildirdi.
«Sir emas, asosiy maqsadimiz — Upamekano bilan shartnomani uzaytirish. Uning xizmatlariga koʻplab klublar qiziqayotganiga ajablanmasa ham boʻladi, chunki u dunyoning eng yaxshi markaziy himoyachilaridan biri.
Biz uning «Bavariya» uzoq yillar qolishini istaymiz. U bu yerda oʻzini uyidagidek his qiladi. Hozircha yangilik yoʻq, muzokaralar davom etmoqda», — dedi Froind.
Maʼlumot uchun, Upamekano joriy mavsum barcha turnirlarda 14 ta oʻyinda maydonga tushdi. Uning Transfermarkt'dagi narxi 60 million yevroga baholanmoqda.
Nasrullo Karimov
Jurnalist