«Бавария» «ПСВ» яримҳимоячисига қизиқиш билдирмоқда
Мюнхеннинг «Бавария» клуби Эйндховеннинг «ПСВ» яримҳимоячиси Исмаэл Сайбари трансфери бўйича музокараларни бошлади. Журналист ва инсайдер Флориан Плеттенбергнинг ижтимоий тармоқда хабар беришича, клуб футболчи ва унинг вакилларига таклиф юборган, ҳозирда потенциал келишув тафсилотлари муҳокама қилинмоқда.
Бундеслига чемпионлари яримҳимоячи Энтони Гордонни сотиб олиш бўйича муваффақиятсиз уринишдан сўнг, трансфер бозорида муқобил вариантларни кўриб чиқишга мажбур бўлишди ва эътиборларини Сайбарига қаратдилар. Сайбарининг «ПСВ» билан шартномаси 2029 йилгача мўлжалланган бўлиб, у музокаралар янада илгарилаши учун Нидерландия клуби трансфер нархини расман белгилашини кутмоқда.
Ҳужумкор ярим ҳимоячига бўлган қизиқиш бутун Европа бўйлаб ортиб бормоқда. Манбанинг маълум қилишича, Сайбарининг вазиятини «Галатасарой» ва «Пари Сен-Жермен» каби клублар ҳам кузатиб бормоқда.
