“Бавария” Морган Гиббс-Уайтга қизиқиш билдирмоқда
“Ноттингем Форест”нинг ҳужумкор ярим ҳимоячиси Морган Гиббс-Уайт фаолиятини Германияда давом эттириши мумкин. Мюнхеннинг “Бавария” клуби 26 ёшли инглиз футболчисига жиддий қизиқиш билдирмоқда. Бу ҳақда talkSPORT хабар бермоқда.
Манбага кўра, “Бавария” Гиббс-Уайт учун асосий даъволардан бири ҳисобланади. Агар трансфер амалга ошса, у Мюнхенда Англия терма жамоасидаги шериги Харри Кейн билан бир жамоада тўп тепиши мумкин. Аввалроқ футболчига “Тоттенҳем” ҳам қизиқиш билдирган эди.
Гиббс-Уайт 2026/27 йилги мавсумни ҳам фаол бошлади. У АПЛдаги дастлабки беш учрашувда 1 та гол ва 2 та голли узатма қайд этди. Ўтган мавсум эса футболчи 37 та лига учрашувида 15 та гол уриб, 4 та ассист амалга оширган.
Маълумот учун, Морган Гиббс-Уайт 2025 йил ёзида “Ноттингем Форест” билан шартномасини 2028 йилгача узайтирган. Клуб ўша пайтда футболчини жамоанинг келажакдаги асосий етакчиларидан бири сифатида кўришини таъкидлаган эди.
