«Бавария» «Ман Сити»нинг собиқ мураббийи билан шартнома имзолади
Мюнхенликлар ҳозирда Бундеслига турнир жадвалида пешқадамлик қилмоқда.
ФОТО: Getty Images
Мюнхеннинг «Бавария» клуби расмий сайти орқали мураббий Даниел Фредли билан шартнома имзоланганини эълон қилди. Фредли сўнгги пайтгача Хосеп Гвардиола бошчилигидаги «Манчестер Сити» мураббийлар штабида фаолият олиб борган. Энди у Венсан Компаниянинг «Бавария»даги ёрдамчисига айланади.
«Мюнхенга хуш келибсан, Даниел!» — деб ёзди клуб матбуот хизмати ижтимоий тармоқларда.
Эслатиб ўтамиз, «Бавария» 2025/2026 йилги Бундеслига турнир жадвалида ишончли тарзда пешқадамлик қилмоқда. Мюнхенликлар 15 та ўйиндан сўнг 41 очко жамғарган. Иккинчи ўринда бораётган Дортмунднинг «Боруссия»сидан фарқ 9 очкога тенг.
Насрулло Каримов
Журналист