«Bavariya» «Man Siti»ning sobiq murabbiyi bilan shartnoma imzoladi
Myunxenliklar hozirda Bundesliga turnir jadvalida peshqadamlik qilmoqda.
FOTO: Getty Images
Myunxenning «Bavariya» klubi rasmiy sayti orqali murabbiy Daniyel Fredli bilan shartnoma imzolanganini e’lon qildi. Fredli so‘nggi paytgacha Xosep Gvardiola boshchiligidagi «Manchester Siti» murabbiylar shtabida faoliyat olib borgan. Endilikda u Vensan Kompanining «Bavariya»dagi yordamchisiga aylanadi.
«Myunxenga xush kelibsan, Daniyel!» — deb yozdi klub matbuot xizmati ijtimoiy tarmoqlarda.
Eslatib o‘tamiz, «Bavariya» 2025/2026 yilgi Bundesliga turnir jadvalida ishonchli tarzda peshqadamlik qilmoqda. Myunxenliklar 15 ta o‘yindan so‘ng 41 ochko jamg‘argan. Ikkinchi o‘rinda borayotgan Dortmundning «Borussiya»sidan farq 9 ochkoni tashkil etadi.
