\"Бавария\" Лопес бўйича \"Барселона\" билан музокара ўтказмоқда
Футболчининг ўзи клубда қолишни хоҳламоқда.
Фото: Getty Images
“Барселона” ярим ҳимоячиси Фермин Лопес фаолиятини “Бавария”да давом эттириши мумкин.
Журналист Бен Жейкобснинг сўзларига кўра, Мюнхенликлар испаниялик футболчини сотиб олишни режалаштирмоқда.
Бироқ Ферминнинг ўзи “кўк-анорранглилар” сафида қолишни афзал кўрмоқда. “Барселона” эса яхши таклиф бўлса, футболчини сотиб юбориши мумкин.
“Бавария” аллақачон Лопес бўйича “Барса” билан музокара ўтказган.
Ўтган мавсумда у Каталония клуби сафида барча турнирларда 45 та ўйинда майдонга тушиб, 8 та гол урди ва 9 та ассист қайд этди.
Розикжон Султонмуродов
Журналист
