\"Бавария\" АПЛдан ҳимоячи олиб келмоқчи. Футболчининг нархи 60 млн еврони ташкил этади
Фото: Getty Images
Мюхеннинг “Бавария” клуби ўз сафига ёзда ҳимоячи қўшиб олишни истамоқда. Бу ҳақда Bild хабар бермоқда.
Манбага кўра, жамоа “Борнмут” ҳимоячиси Дин Хейсенни кузатмоқда ва футболчи билан шартнома имзолашни мақсад қилган.
Мюнхен клуби Динга беш йиллик шартнома таклиф этиши мумкин. Аммо “Борнмут” ёш футболчисини 60 миллион евродан камига сотишни истамаяпти.
Маълумот учун, нидерландиялик футболчининг “олчалар” билан шартномаси 2028 йилнинг ёзида якунланади.
