Бартомеу: «Неймар кетганидан сўнг Мессини 400 миллион еврога сотиб олмоқчи бўлган клуб бор эди»
«Барселона» собиқ президенти Лео атрофидаги таклифлар ҳақида фикр билдирди.
ФОТО: Getty Images
«Барселона» клуби собиқ президенти Жозеп Мария Бартомеу бразилиялик вингер Неймар жамоани тарк этганидан сўнг, номи ошкор қилинмаган клуб ҳужумчи Лионель Месси учун 400 миллион евро тўлашга тайёр бўлганини маълум қилди.
«Неймар кетганидан кейин Месси учун 400 миллион евро тўлашни истаган жамоа бор эди. Бу қайси клуб эканлигини айтмоқчи эмасман, лекин бу «Манчестер Сити» эмас. Шундан сўнг биз Лео ва унинг отаси билан ушбу масала бўйича гаплашиб олдик — биз футболчининг шартномасидаги товон пули миқдорини оширишимиз керак эди», — деди Бартомеу.
Эслатиб ўтамиз, Неймар 2017 йилда Каталония клубини тарк этиб, ПСЖга ўтган эди. 2021 йилда эса Лионель Месси ҳам эркин агент мақомида «Барселона»дан Париж клубига кўчиб ўтди.
Насрулло Каримов
Журналист