«Барселона»нинг собиқ футболчиси Чемпионшип клубига ўтишга яқин

“Барселона” ярим ҳимоячиси Ориоль Ромеу фаолиятини Англия чемпионатида давом эттиришга яқин, дея хабар беради Daily Echo нашри.

Манбада келтирилишича, “Саутгемптон” клуби 34 ёшли футболчи билан фаол тарзда музокара ўтказяпти. У “Барселона” билан келишувни август ойида бекор қилганидан бери жамоасиз.

Томонлар ўртасида аллақачон келишув бор. Келишув тиббий ва бошқа трансфер расмиятчиликларидан сўнг якунланади.

"Саутгемптон" айни дамда Чемпионшипда 21-ўринни эгаллаб турибди. Ромеу 2015-2022 йиллар давомида "авлиёлар" сафида 256 та ўйин ўтказиб, 69 та сариқ карточка олиб, 8 та гол урган ва 7 та голли узатмани амалга оширган.

Розикжон Султонмуродов

Журналист