«Барселона»нинг иккинчи энг узоқ давом этган мағлубиятсиз сериясига чек қўйилди
«Барселона» Испания Ла Лигасининг 20-турида «Реал Соседад»га қарши ўйинда (1:2) мағлуб бўлиб, узоқ давом этган мағлубиятсиз сериясига чек қўйди.
Аввалроқ хабар қилинганидек, каталонияликлар кетма-кет 11 учрашувда ғалаба қозонган эди. Бу клуб тарихидаги энг узоқ давом этган иккинчи ғалабали серия ҳисобланади. «Барселона»нинг рекорд кўрсаткичи 2005/2006 йилги мавсумда қайд этилган. Ўшанда 22 октябрдан 22 январгача бўлган даврда жамоа кетма-кет 18 та учрашувда зафар қучган: 13 таси Ла Лигада, учтаси Чемпионлар Лигасида ва иккитаси Испания Кубогида.
Эслатиб ўтамиз, 2025 йил 29 ноябрдан буён «Барселона» Испания Кубоги ва Суперкубогида иккитадан ўйинда ғалаба қозонди, Чемпионлар Лигасида бир учрашувда зафар қучди ҳамда Ла Лига доирасида олти бор муваффақиятга эришди.
