“Барселона”нинг асосий дарвозабони умумий гуруҳ машғулотларига қайтди
“Барселона” дарвозабони Жоан Гарсия тиззасидаги муаммолардан сўнг жамоанинг умумий гуруҳ машғулотларига қайтди. 25 ёшли футболчи чоршанба кунги машғулотда жамоадошлари билан бирга ишлади. Бу ҳақда Marca нашри хабар бермоқда.
Манбага кўра, Гарсиянинг тиззасидаги муаммо ортда қолган ва у яқинлашиб келаётган “Хетафе”га қарши учрашувда асосий таркибда майдонга тушиши кутилмоқда. Дарвозабон сентябр ойи ўрталаридаn буён тўлиқ гуруҳ машғулотларида қатнашмаётган эди.
Гарсия “Расинг”га қарши учрашувда тиззасидан ноқулайлик сезиб, танаффусда алмаштирилган эди. Кейинчалик у Ла Лигада “Севилья”га қарши баҳсни ҳам ўтказиб юборди. Клуб аввалроқ футболчининг ўнг тиззасида енгил ноқулайлик борлигини маълум қилган.
Маълумот учун, “Барселона” Ла Лиганинг дастлабки 7 та учрашувининг барчасида ғалаба қозониб, турнир жадвалида етакчилик қилмоқда. Каталонияликлар навбатдаги ўйинини 10-октябр куни “Хетафе”га қарши ўтказади.
