“Барселона” ўзига янги “Месси” топди
“Барселона” “Манчестер Юнайтед” академиясининг 15 ёшли футболчиси ЖЖ Габриэлга қизиқиш билдирмоқда. “Кичик Месси” лақаби билан танилган ёш ҳужумчи яқинда манкунианликлар сафини тарк этиш истагини билдирган. Бу ҳақда talkSPORT журналисти Бен Жейкобс хабар бермоқда.
Манбага кўра, Габриэл учун курашда “Барселона” ёлғиз эмас. Унга “Реал Мадрид”, “Челси”, “Арсенал” ва “Манчестер Сити” ҳам қизиқиш билдирмоқда. Футболчи “Манчестер Юнайтед”дан рўйхатдан ўтказилган мақомини бекор қилиб, клубни тарк этишга рухсат беришни сўраган.
Габриэл Англиядаги энг истиқболли ёш футболчилардан бири сифатида эътироф этилмоқда. У УЕФА Ёшлар лигасидаги дебют учрашувида хет-трик қайд этиб, ўзига бўлган қизиқишни янада оширган. “Манчестер Юнайтед” эса иқтидорли футболчини клубда олиб қолишга ҳаракат қилмоқда.
Маълумот учун, ЖЖ Габриэл 2010 йилда Лондонда туғилган ва 11 ёшидан буён “Манчестер Юнайтед” академиясида шуғулланиб келади.
