«Барселона» яримҳимоячиси «ПСЖ»га ўтиш арафасида
Инсайдер Фабрицио Романо 18 ёшли «Барселона» ёшлар академияси тарбияланувчиси Педро Фернандеснинг клубдан кетиши эҳтимоли ҳақида тафсилотларни маълум қилди. Илгарироқ хабар қилинганидек, футболчи Каталония клубини тарк этиш қарорини қабул қилган ва унинг шартномасидаги шартли тўлов 6 млн еврони ташкил этади.
Романонинг хабар беришича, Педро Фернандеснинг «ПСЖ»га ўтиши бўйича оғзаки келишув деярли имзоланиш арафасида.
«ПСЖ» ёш яримҳимоячини ўз сафига қўшиб олиш учун 6 млн евролик сотиб олиш опциасини фаоллаштиришни режалаштирмоқда. Франция клуби Англия ва Германия жамоаларидан олдинда турибди. Шунингдек, бу трансфер жараёнида «ПСЖ» бош мураббийи Луис Энрике ҳам шахсан иштирок этмоқда», — деб ёзади Романо Х (собиқ Twitter) ижтимоий тармоғида.
Педро Фернандес «Барселона» академиясининг барча босқичларидан ўтиб, 2025 йили асосий жамоага қўшилган. Жорий мавсумда у каталонияликлар сафида 5 та ўйинда майдонга тушиб, 1 та самарали узатмани амалга оширган.
