\"Барселона\" янги мавсум учун уй либосини тақдим этди
Янги уй либосида жамоа 2026/27-йилги La Liga мавсумидаги илк расмий учрашувини ўтказади.
Фото: Getty Images
"Барселона" клуби 2026/27-йилги мавсум учун мўлжалланган янги уй либосини расман намойиш этди.
Янги дизайнда клубнинг анъанавий кўк ва тўқ қизил вертикал чизиқлари сақлаб қолинган. Бироқ бу сафар ранглар ўртасидаги градиент эффект либосга янада замонавий кўриниш берган. Шунингдек, футболчилар фамилияси ва рақамлари учун янги шрифт ҳам тақдим этилди.
Клуб таъкидлашича, янги форма "Blaugrana юрак уриши" ғояси асосида яратилган бўлиб, у футболчилар, мухлислар ва клуб ўртасидаги узвий боғлиқликни ифодалайди. Мазкур концепция "Барселона"нинг авлоддан авлодга ўтиб келаётган қадриятлари ва жамоавий руҳини акс эттиради.
Янги уй либосида жамоа 2026/27-йилги La Liga мавсумидаги илк расмий учрашувини ўтказади.
Насрулло Каримов
Журналист