\"Барселона\" Ямал билан шартномасини 2030 йилга қадар узайтиради
Фото: Getty Images
"Барселона" Ламин Ямал билан шартномани узайтириш борасида деярли келишувга эришди. Бу ҳақда Diario Sport хабар берди.
Қайд этилишича, каталонияликлар Ямал бўйича унинг агенти Хорхе Мендес билан келишувнинг якуний тафсилотларини ҳал қилишлари керак. Клуб вингер 18 ёшга тўлганидан сўнг шартномани эълон қилмоқчи, бу 13 июль куни бўлади.
Шартнома 2030 йилнинг ёзига қадар амал қилади. Маош ва товон миқдори ҳозиргисидан сезиларли даражада ошиши кутилмоқда.
Жорий мавсумда Ямал Ла Лигада 31 та ўйин ўтказди ва 12 та голли узатмани амалга оширган.
Розикжон Султонмуродов
Журналист