«Барселона» вингери Рафинья «Реал»га қарши ўйинни ўтказиб юбориши мумкин
Футболчи бугунги машғулотларни ўтказиб юборган.
ФОТО: Getty images
"Барселона" вингери Рафиня жароҳати қайталангани учун "Реал"га қарши Испания Ла Лигасининг 10-тур учрашувини ўтказиб юбориш хавфи остида, дея хабар берди журналист ва инсайдер Херард Ромеро.
Манбага кўра, футболчи кеча машғулотларни эрта якунлаган ва бугун "Блауграна"нинг асосий гуруҳи билан машғулотларни ўтказиб юборган.
Эслатиб ўтамиз, “Реал Мадрид” – “Барселона” учрашуви 26-октябрь, якшанба куни бўлиб ўтади.
Турнир жадвалида “Реал” 24 очко билан пешқадамлик қилмоқда. “Барселона” 22 та билан иккинчи поғонадан жой олган.
Розикжон Султонмуродов
Журналист
