«Барселона» ва «Челси» Вирцга қизиқиш билдирмоқда
Футболчининг «Ливерпуль» билан амалдаги шартномаси 2030 йил июнь ойининг охирига қадар мўлжалланган.
Фото: Getty Images
Германиялик ярим ҳимоячи Флориан Вирц «Ливерпуль»га ўтишидан олдин Европанинг икки гранд клуби — «Барселона» ва «Челси» эътиборида бўлган.
Журналист Экрем Конурнинг ижтимоий тармоқларда маълум қилишича, каталонияликлар ва лондонликлар немис футболчисининг ҳаракатларини кузатиб боришган. Бироқ якунда Вирц «Ливерпуль» вариантини танлаган. Мерсисайдликлар унга бошқа клубларга қараганда кўпроқ қизиқиш билдирган.
Вирц «Ливерпуль» сафида ўтган йилнинг ёзидан буён тўп тепмоқда. У мерсисайдликлар таркибига Леверкузеннинг «Байер» клубидан кўчиб ўтган.
Футболчининг «Ливерпуль» билан амалдаги шартномаси 2030 йил июнь ойининг охирига қадар мўлжалланган. Вирцнинг бозордаги қиймати эса 85 миллион евро атрофида баҳоланмоқда.
