«Барселона» сўнгги ўн мавсумда Чемпионлар Лигасида энг кўп қизил карточка олди
Каталонияликлар икки ўйин натижасига кўра «Атлетико»га имкониятни бой бериб, турнир билан хайрлашди.
ФОТО: Getty Images
«Барселона» ҳимоячиси Эрик Гарсиянинг УЕФА Чемпионлар Лигаси чорак финал жавоб учрашувида «Атлетико»га (2:1) қарши ўйинда олган қизил карточкаси «кўк-анорранглилар» учун мусобақанинг сўнгги 10 та мавсумидаги 13-четлатиш бўлди.
Жамоалар Мадриддаги «Рияд Эйр Метрополитано» стадионида баҳс олиб боришди. Учрашувда Клеман Тюрпен бош ҳакамлик қилди.
Европанинг ҳеч бир жамоаси сўнгги 10 мавсум давомида Чемпионлар Лигасида бу қадар кўп қизил карточка олмаган.
Каталония клуби футболчиларига кўрсатилган 13 та қизил карточкадан 6 таси тўғридан-тўғри четлатишдир. Гарсиянинг ўзи учун эса бу Чемпионлар Лигасидаги учинчи қизил карточка бўлди. Шунингдек, «кўк-анорранглилар» ҳимоячилари Пау Кубарси ва Роналд Араухо ҳам икки мартадан майдондан четлатилган.
Насрулло Каримов
Журналист