«Барселона» сўнгги 15 йил ичида кетма-кет икки марта Суперкубокни қўлга киритган илк жамоага айланди
11 январь куни каталонияликлар «Реал»ни мағлуб этди.
ФОТО: Getty Images
Каталониянинг «Барселона» клуби сўнгги 15 йил ичида кетма-кет икки марта Испания Суперкубогини қўлга киритган илк жамоа бўлди. Бу ҳақда Stata Football телеграм-канали хабар бермоқда.
11 январь куни Испания Суперкубоги финалида «Барселона» «Реал» билан баҳс олиб борди. Учрашув Саудия Арабистонининг Жидда шаҳрида жойлашган «Кинг Абдулла Спортс Сити» стадионида бўлиб ўтди. Ўйинни бош ҳакам сифатида Хосе Мунуэра Монтеро бошқарди. Беллашув 3:2 ҳисобида «кўк-анорранглилар» фойдасига якунланди.
Шу тариқа, «Барселона» ўз тарихи давомида 16-марта Испания Суперкубогини қўлга киритди. Эслатиб ўтамиз, ўтган мавсум финалида ҳам «блауграна» «Реал» устидан 5:2 ҳисобида ғалаба қозонганди.
Насрулло Каримов
Журналист