«Barselona» soʻnggi 15 yil ichida ketma-ket ikki marta Superkubokni qoʻlga kiritgan ilk jamoaga aylandi
11 yanvar kuni kataloniyaliklar «Real»ni magʻlub etdi.
FOTO: Getty Images
Kataloniyaning «Barselona» klubi so‘nggi 15 yil ichida ketma-ket ikki marta Ispaniya Superkubogini qo‘lga kiritgan ilk jamoa bo‘ldi. Bu haqda Stata Football telegram-kanali xabar bermoqda.
11 yanvar kuni Ispaniya Superkubogi finalida «Barselona» «Real» bilan bahs olib bordi. Uchrashuv Saudiya Arabistonining Jidda shahrida joylashgan «King Abdulla Sports City» stadionida bo‘lib o‘tdi. O‘yinni bosh hakam sifatida Xose Munuera Montero boshqardi. Bellashuv 3:2 hisobida «ko‘k-anorranglilar» foydasiga yakunlandi.
Shu tariqa, «Barselona» o‘z tarixida 16-marta Ispaniya Superkubogini qo‘lga kiritdi. Eslatib o‘tamiz, o‘tgan mavsum finalida ham «blaugrana» «Real» ustidan 5:2 hisobida g‘alaba qozongandi.
Nasrullo Karimov
Jurnalist