«Барселона» ўртоқлик ўйинида «Тегу»ни йирик ҳисобда енгди
Фото: Getty Images
“Барселона” клуби Осиё турнесидаги сўнгги учрашувини Жанубий Кореяда ўтказди.
Учрашув Жанубий Кореядаги "Tegu Bank Park" стадионида бўлиб ўтди. Унда каталонияликлар йирик 5:0 ҳисобида зафар қучди.
Учрашувнинг 21-дақиқасида "Барселона" ярим ҳимоячиси Гави ҳисобни очди. Орадан 6 дақиқа ўтиб, ҳужумчи Роберт Левандовски "кўк-анорранглилар"нинг иккинчи голига муаллифлик қилди. 45+2-дақиқада Гави дублни расмийлаштирди. 55-дақиқада ҳужумчи Тони Фернандес ҳисобни 4:0 кўринишига келтирди. "Тегу" дарвозасига бешинчи голни англиялик Маркус Рэшфорд киритди.
Ўртоқлик учрашуви
“Тегу” 0:5 “Барселона”
Голлар: Гави (21, 45+2), Роберт Левандовски (27), Тони Фернандес (54), Маркус Рэшфорд (65)
Баҳром Бобонов
Редактор