«Барселона» Родри трансфери учун курашмайди
Каталония клуби раҳбарияти 30 ёшли футболчи фаолиятини «Реал Мадрид»да давом эттиришига ишонмоқда.
Фото: Getty Images
«Барселона» «Манчестер Сити» ярим ҳимоячиси Родри трансферини амалга оширишга уринмайди.
Marca нашрига кўра, Каталония клуби раҳбарияти 30 ёшли футболчи фаолиятини «Реал Мадрид»да давом эттиришига ишонмоқда. Шу сабабли «Барселона» испаниялик ярим ҳимоячи учун трансфер курашига қўшилмасликка қарор қилган.
Родрининг «Манчестер Сити» билан амалдаги шартномаси 2027 йилнинг ёзига қадар мўлжалланган. Аввалроқ «Реал Мадрид» унинг трансфери учун 65 миллиондан 75 миллион еврогача тўлаши мумкинлиги ҳақида хабарлар тарқалган эди.
Родри 2024 йили «Олтин тўп»ни қўлга киритган. Шунингдек, у Испания терма жамоаси билан Европа ва жаҳон чемпионига айланган.
Ҳозирча «Реал Мадрид» ва «Манчестер Сити» ўртасида келишувга эришилгани расман тасдиқланмаган.
Насрулло Каримов
Журналист