“Барселона” Родри трансфери бўйича музокараларга киришишга тайёр

“Барселона” “Манчестер Сити” ярим ҳимоячиси Родрининг келажагини диққат билан кузатмоқда. Каталония клуби испаниялик футболчини ўз сафига қўшиш имкониятини кўриб чиқмоқда.

Маълумотларга кўра, “Барселона”нинг Родрига қизиқиши Френки де Йонгнинг жароҳати билан боғлиқ. Агар футболчининг ўзи Каталония клубига ўтишга розилик билдирса ва молиявий шартлар имкон берса, “Барселона” трансфер бўйича музокараларни бошлашга тайёр.

Родри ўтган мавсум барча мусобақаларда 33 та учрашувда майдонга тушиб, иккита гол урган. Унинг “Манчестер Сити” билан амалдаги шартномаси 2027 йил ёзигача мўлжалланган.

Transfermarkt портали футболчининг бозор қийматини 50 миллион еврога баҳоламоқда.

Насрулло Каримов

Журналист

0 0 0 0 0 0