«Барселона» Рэшфорд билан шартномани бекор қилиши мумкин
ФОТО: Getty images
“Барселона” сафида ижара асосида тўп сураётган “Манчестер Юнайтед” ҳужумчиси Маркус Рэшфорд кутилмаганда каталонияликлар сафини тарк этиши мумкин. Бу ҳақда El Nacional хабар бермоқда.
Манбага кўра, “кўк-анорранглилар” 27 ёшли инглиз футболчисининг ўйинидан қониқмаяпти. Клуб унинг ижарасини муддатидан аввал бекор қилиш масаласини кўриб чиқмоқда.
Испан ва Англия клубларининг келишувига кўра, шартномада ҳужумчини 30 миллион еврога тўлиқ сотиб олиш имконияти ҳам мавжуд эди.
Рэшфорд Ла Лиганинг 3 учрашувида майдонга тушди, бирорта самарали ҳаракатни амалга оширганича йўқ.
Розикжон Султонмуродов
Журналист