«Барселона» Рафиньянинг жароҳати туфайли ФИФАдан компенсация олади
Футболчи Францияга қарши баҳсда ўнг сон орқа мушагидан жароҳат олиб, тахминан 5 ҳафтага сафдан чиқди.
ФОТО: Getty images
Бразилия терма жамоасининг Францияга қарши баҳсида (1:2) жароҳат олган Рафинья учун «Барселона» клуби ФИФАдан кафолатланган компенсация олади.
Футболчи Францияга қарши баҳсда ўнг сон орқа мушагидан жароҳат олиб, тахминан 5 ҳафтага сафдан чиқди. Унинг тикланиши учун 28 кундан ортиқ вақт керак бўлади. ФИФАнинг клубларни ҳимоя қилиш дастури бўйича тўловлар амалга оширилиши учун минимал чегара ҳисобланади.
Компенсация тўловлари 23 апрелдан бошлаб ҳисобланади ва кунига 20 548 еврони ташкил этади. Агар Рафинья кутилганидек беш ҳафта ичида (апрель охиригача) соғайиб қайтса, «Барселона» камида 143 836 евро миқдорида маблағ олади. Тикланиш жараёни чўзилган тақдирда, ҳар бир қўшимча кун учун сумма ортиб боради.
Розикжон Султонмуродов
Журналист