“Барселона” Рафинья билан янги шартнома бўйича келишувга эришди
“Барселона” жамоа сардорларидан бири Рафинья билан янги шартнома борасида келишувга эришди. Бразилиялик футболчининг янги битими 2030 йилнинг июнига қадар мўлжалланиши кутилмоқда. Бу ҳақда инсайдер Фабрицио Романо хабар бермоқда.
Манбага кўра, томонлар шартноманинг асосий бандлари бўйича келишиб олган ва ҳужжатлар яқин вақт ичида имзоланиши кутилмоқда. “Барселона” спорт директори Деку ҳам Рафинья билан ҳамкорликни узайтириш бўйича принципиал келишувга эришилганини тасдиқлаган.
Рафиньянинг амалдаги шартномаси 2028 йил ёзигача мўлжалланган. Футболчининг ўзи ҳам яқинда клубда узоқроқ қолишни исташини билдириб, имкон бўлса, фаолиятини айнан “Барселона” сафида якунлаш ниятида эканини айтганди.
Маълумот учун, Рафинья “Барселона” сафида 2022 йилдан буён тўп тепмоқда. Клуб унинг аввалги шартномасини 2025 йилда 2028 йилгача узайтирган эди.
