«Барселона» Осимхенни кузатмоқда
Каталонияликлар Осимхенни Роберт Левандовскига ўринбосар сифатида кўрмоқда.
ФОТО: Getty images
"Галатасарой"нинг нигериялик форварди Виктор Осимхен "Барселона" шорт-листидан жой олди. Ушбу маълумот Goal Gossip томонидан эълон қилинди.
Манбага кўра, каталонияликлар Осимхенни Роберт Левандовскига ўринбосар сифатида кўрмоқда.
Аввалроқ, хориж ОАВда "кўк-анорранглилар" польшалик ҳужумчи билан шартномани узайтирмоқчи эмаслиги ҳақида хабарлар тарқалган эди.
Жорий мавсумда 26 ёшли Осимхен Туркия чемпионати ва Чемпионлар лигасида олтита учрашувда учта гол урди. Айни пайтда Transfermarkt портали мутахассислари ҳужумчининг нархини 75 миллион еврога баҳоламоқда.
Розикжон Султонмуродов
Журналист