«Barselona» Osimhenni kuzatmoqda

"Galatasaroy"ning nigeriyalik hujumchisi Viktor Osimhen "Barselona" short-listidan joy oldi. Ushbu ma'lumot Goal Gossip tomonidan e'lon qilindi.

Manbaga ko‘ra, kataloniyaliklar Osimhenni Robert Levandovskiga o‘rinbosar sifatida ko‘rmoqda.

Avvalroq, xorij OAVda "ko‘k-anorranglilar" polyak hujumchi bilan shartnomani uzaytirmoqchi emasligi haqida xabarlar tarqalgan edi.

Joriy mavsumda 26 yoshli Osimhen Turkiya chempionati va Chempionlar ligasida oltita uchrashuvda uchta gol urdi. Ayni paytda Transfermarkt portali mutaxassislari hujumchining narxini 75 million yevroga baholamoqda.

Roziqjon Sultonmurodov

Jurnalist