«Барселона» нега Адемола Лукман трансферига рад жавобини бергани маълум бўлди
Нигериялик қанот ҳужумчиси Адемола Лукманнинг вакиллари футболчининг трансфери устида ишлаш мақсадида икки бор «Барселона» билан боғланишган, аммо «кўк-анорранглилар» бу келишувни рад этишган. Охир-оқибат форвард ўтган қишки трансфер ойнасида Мадриднинг «Атлетико» жамоасига ўтди. Бу ҳақда Sport.es нашри хабар бермоқда.
Нашр маълумотларига кўра, «Барселона» мутасаддилари футболчини диққат билан кузатиб боришган ва унинг 2023/2024 йилги Европа Лигаси финалида «Байер» дарвозасига хет-трик урганидан ҳайратда қолишган.
Бироқ Каталония клубидаги молиявий қийинчиликлар сабабли трансфер амалга ошмаган. Охир-оқибат жамоа Адемола Лукман ўрнига Маркус Рэшфордни ўз таркибига қўшиб олди.
Эслатиб ўтамиз, нигериялик футболчи «Атлетико»даги дебют ўйинидаёқ гол уришга ва самарали узатма амалга оширишга эришди. Испания Кубоги 1/4 финалида Мадрид клуби «Бетис»ни 5:0 ҳисобида мағлуб этди. Матбуотдаги хабарларга кўра, ҳужумчининг трансфери «матрасчилар»га 35+5 миллион евроға тушган.
