«Барселона» мухлислари адашиб ўз жамоалари автобусига тош отишди
Ла Лиганинг 35-тури доирасидаги «Реал»га қарши учрашув олдидан «Барселона» мухлислари хатолик сабаб ўз клублари автобусини тошбўрон қилишди. Бу ҳақда RMC Sport нашри хабар бермоқда.
Хабарларга кўра, ушбу ҳодиса натижасида Каталония жамоаси автобусининг ойналаридан бири синган. Шунингдек, бироз вақт ўтиб «қаймоқранглилар» автобусига ҳам ҳужум уюштирилгани қайд этилган.
Испания чемпионатининг 34 та ўйинидан сўнг, «Барселона» 88 очко жамғарган ҳолда турнир жадвалида пешқадамлик қилмоқда. Мадриднинг «Реал» жамоаси эса 77 очко билан иккинчи поғонадан жой олган.
Эслатиб ўтамиз, чемпионатнинг ўтган турида Ханс-Дитер Флик шогирдлари «Осасуна»ни 2:1 ҳисобига мағлуб этган бўлса, Альваро Арбелоа бошқарувидаги мадридликлар «Эспаньол»дан устун келишган эди (2:0).
