«Барселона» клуби «Атлетико» ҳужумчиси Хулиан Алварес билан шахсий шартнома шартларини келишиб олди

«Барселона» клуби «Атлетико» ҳужумчиси Хулиан Алварес билан шахсий шартнома шартларини келишиб олди. Бу ҳақда инсайдер Николо Скира маълум қилган.

Манбага кўра, аргентиналик 26 ёшли футболчи Каталония клубига ўтишни истамоқда. Хулиан «матрасчилар» раҳбариятидан трансферга рухсат беришни талаб қилмоқда. «Атлетико» эса Ла Лигадаги рақобатчисига асосий форвардини сотишни истамаяпти.

Эслатиб ўтамиз, Алварес 23 август куни Ла Лига 2-турида «Вильярреал»га (2:2) қарши баҳсда майдонга тушди. Учрашувдан сўнг футболчи «Атлетико» мухлислари томонидан хуштакбозлик билан қарши олинганди.

Иброҳим Жалолов

Редактор

0 0 0 0 0 0